ලොව්තුරා අමා මෑණි බුදුරජාණන් වහන්සේට මාගේ නමස්කාරය වේවා!!!
”මහණෙනි, තථාගතයන් වහන්සේ විසින් දේශනා කරන ලද ධර්මය හා විනය විවෘත වූයේ බබළයි. වැසුණේ නොම බබළයි.”
(අංගුත්තර
නිකාය,
තික
නිපාත, 510 පිටුව)
පන්ලක්ෂ දොළොස්දහස් විසි අටක් බුදුපියාණන් වහන්සේලා පසු කරමින් ආ අනාථ ගමනේ නිමාව දකින්නට,
නිවන්
දොරටු විවර කර ගැනීමට හිත කැමති පිරිසට දහම් ඇස පාදා ගැනීමට මඟ හසර පෙන්වා දෙමින්, සුගත
තථාගතයන්
වහන්සේ විසින් දේශිත උතුම් වූ චතුරාර්ය සත්‍ය ධර්මය සූත‍්‍රයට බහා බලමින් විනයට සසඳමින් මේ
සංසාර
කතර තරණය කොට නික්ලේෂී වූ නිවන් මඟ තුළ පිහිටා සිටීමට මේ ධර්ම දායාදයෙන්, නිවී සැනසෙන්න කැමති
මිනිසාට තුටු පඩුරක්ම වේවා!!!
චතුරාර්ය සත්‍ය ධර්මය කාලයාගේ වැලිතලාවෙන් වැසී යන්නට මත්තෙන්, අවබෝධ කර ගන්නට සහ අන් අයට ද මේ
අමා
දිය දහරෙන් බිඳක් හෝ සිත නිවාලන්නට මඟ පාදා දීම, මෙම වෙබ් පිටුව නිර්මාණය කිරීමේ අප සියලූ
දෙනාගේ
අභිප්රායයි.
කෙළෙස් මලින් අපිරිසිදු කරගන්නා අශුද්ධ මානසිකත්වයෙන් මිදෙන්නට, උත්තරීතර තථාගත ධර්මය මුල, මැද,
අග
ගලපමින් අවබෝධ කර දෙන්නට දරන්නා වූ මෙත් සහගත ප්‍රයත්නයකි මේ.
ඔබට මට පමා වන්නට නොව, මිදෙන්නට මේ කාලයයි………
“දුතීය සාරිපුත්ත සූත්‍රය”
"සාරිපුත්ත, සෝවාන් අඟ සෝවාන් අඟැයි මෙය කියනු ලැබේ. සාරිපුත්ත, සෝවාන් අඟ කවරේ දැ" යි? "වහන්ස, සපුරිස් සෙවුම සෝවාන් අඟෙකි. සදහම් ඇසුම සෝවාන් අඟෙකි. නුවණින් මෙනෙහි කිරීම සෝවාන් අඟෙකි. දහම් අනුදහම් පිළිවෙත සෝවාන් අඟෙකි" යි. "සාරිපුත්ත මැනවි, මැනවි".
(සංයුත්ත නිකාය 5-2, පිටුව 147)
